Narpayda kanalga tushib ketgan "Epica" haydovchisi vafot etdi
Bugun, 9 oktyabr kuni soat 08:50 da Narpay tumani favqulodda vaziyatlar bo‘limiga Alisher Navoiy nomli mahalla hududidan oqib o‘tuvchi kanalga "Epica" rusumli mashina tushib ketganligi ma’lum qilindi.
Haydovchining boshqaruvni yo‘qotishi oqibatida sodir bo‘lgan mazkur holat yuzasidan zudlik bilan viloyat favqulodda vaziyatlar boshqarmasi qutqaruvchilari voqea joyiga yetib borgan va kanal ichidagi avtomashina salonidan haydovchi U.E.ni behush holatda chiqarib olgan.
Ayachlisi, tuman tez yordam xodimlari tomonidan olib borilgan tezkor tibbiy yordam va muolaja ishlariga qaramasdan fuqaro vafot etgan.
