Navro‘z faqat bizda keng nishonlanadi

Milliy bayramimiz o‘tgan yili 5 kun, bu yil 4 kun dam olish kuni deb e’lon qilinishi hammani birdek sevintirdi. Hali hech bir davlatda Navro‘z bayramiga bunchalik katta e’tibor berilmagan.

Men o‘tgan yili Turkiyadagi Navro‘z tantanalarida ishtirok etdim. Bayram turk dunyosining madaniyat markazi deb e’lon qilingan Kastamanu shahrida bo‘lib o‘tdi. Unda O‘rta Osiyoning deyarli barcha davlatlaridan  vakillar ishtirok etdi, turli millat vakillarining qadimiy kuy-qo‘shiqlari yangradi.

Bayram bir kun davom etdi. Men bilan birga qatnashayotgan Qozog‘iston vakili mamlakatida bayram 3 kun nishonlanishini aytdi. Qirg‘iziston vakili esa 2 kun va boshqa davlat vakillari ham bayramni necha kun nishonlanishini bildirishdi. Shunda men bu qutlug‘ bayram mamlakatimizda 5 kun nishonlanishini aytganimda hamma olqishlab yubordi. Ular ham Prezidentimizdan minnatdor bo‘lishdi.

G‘ulom O‘rolov,

jurnalist.