Nyu-Yorkda maktab avtobusi halokatga uchradi, qurbonlar bor
Maktab orkestri va raqs guruhi a’zolari bo‘lgan avtobus halokatida kamida ikki kishi halok bo‘lgan. O‘nlab o‘quvchilar yaralangan.
Avtobus Farmingdeyl o‘rta maktabi o‘quvchilarini Pensilvaniya shtatining Greli shahridagi musiqa lageriga olib ketayotgan bo‘lgan.
Vavayanda shahri yaqinida, belgilangan manzildan 30 daqiqa qolganda avtomobil katta yo‘ldan chiqib ketgan va ag‘darilib ketgan. Orkestr direktori va o‘qituvchi halok bo‘lgani aytilmoqda. Besh nafar bolaning ahvoli og‘ir.
