Oliy Majlis huzuridagi jamoat fondi “Nogironligi bo‘lgan shaxslarning ijtimoiy-ma’naviy qo‘llab-quvvatlash” mavzusida 3-davlat grantlarini ajratish uchun tanlov e’lon qildi
Tanlovga nodavlat notijorat tashkilotlari va fuqarolik jamiyati boshqa institutlarining quyidagi maqsadlarni nazarda tutgan ijtimoiy ahamiyatga molik loyihalar qabul qilinadi:
- Nogiron shaxslar oilalariga turli ijtimoiy xizmatlar ko‘rsatishni tashkil etish;
- Nogiron shaxslar uy xo‘jaligini rivojlantirish orqali ularning o‘zini - o‘zi band qilishga ko‘maklashish;
- Mehnatga layoqatli nogiron shaxslarni kasb-hunarga o‘qitish va bandligini ta’minlash;
- Nogironligi bo‘lgan shaxslarga, yakka yolg‘iz qariyalarga, o‘zgalar parvarishiga muhtoj boshqa shaxslarga ijtimoiy xizmatlar ko‘rsatish;
- Ko‘zi ojizlar, kar-soqovlar va boshqa turdagi nogironiligi bo‘lgan shaxslarning ijtimoiy va ma’naviy-ma’rifiy ehtiyojlarni ta’minlashga ko‘maklashish;
- Ko‘zi ojiz, kar-soqov va boshqa turdagi ehtiyojmand nogiron shaxslarning turmush sifati darajasini yuksaltirishda ijtimoiy sheriklikni kuchaytirish;
- Nogiron shaxslarni zarur dori-darmonlar, tibbiy anjomlar va boshqa reabilitatsiya vositalari bilan ta’minlashga ko‘maklashish;
- Nogiron yoshlar orasida “besh tashabbus” tamoyillarini keng joriy etish, ularni ijtimoiy-ma’naviy yuksaltirish;
- Nogiron shaxslarni davlat organlari, davlat korxonalari, muassasalari va tashkilotlarida mehnat faoliyatini olib borish mexanizmlarini takomillashtirishga ko‘maklashish;
- Nogironligi bo‘lgan yoshlarni o‘zini o‘zi band qilish, tadbirkorlikka jalb qilish, kasb-hunarga o‘qitishda ijtimoiy sheriklikni kuchaytirish;
- Jismoniy imkoniyati cheklangan va nogironligi bo‘lgan shaxslarga sport bilan shug‘ullanish uchun shart-sharoitlarni kengaytirish;
- Ijtimoiy sheriklik asosida nogironligi bo‘lgan shaxslar uchun xorijiy til, kompyuter savodxonligi va kompyuterda dasturlash asoslari bo‘yicha o‘quv kurslarini tashkil etish
Davlat granti ajratish uchun quyidagi hujjatlar taqdim etiladi:
- Tashkilot rahbari tomonidan imzolangan va muhr bilan tasdiqlangan kuzatuv xati.
- www.foundngo.uz veb-saytida joylashtirilgan shaklda to‘ldirilgan davlat granti loyihasi uchun ariza.
- Oxirgi o‘zgartish va qo‘shimchalar bilan davlat ro‘yxatidan o‘tgan nodavlat notijorat tashkiloti va fuqarolik jamiyati boshqa institutining Ustavi (Nizomi) hamda guvohnomasining nusxalari.
- Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi.
- Manfaatdor davlat va jamoat tashkilotlarining tavsiya hamda qo‘llab-quvvatlash xatlari.
Bitta loyiha uchun ajratiladigan grant miqdori - 100 million so‘mgacha.
Hujjatlar 2022 yil 29 iyuldan 31 avgustgacha qabul qilinadi.
Hujjatlar O‘zbekiston Respublikasi Oliy Majlisi huzuridagi nodavlat notijorat tashkilotlarni va fuqarolik jamiyatining boshqa institutlarini qo‘llab-quvvatlash jamoat fondi nomiga “O‘zbekiston pochtasi” orqali yuboriladigan muhrlangan konvertlarda (A4 formatda) quyidagi manzil bo‘yicha qabul qilinadi: 100035, Toshkent shahri, Bunyodkor ko‘chasi, 1-uy.
Hujjatlarni taqdim etish shartlari va namunalari bilan Oliy Majlis huzuridagi jamoat fondining www.fondngo.uz rasmiy veb-saytida tanishish mumkin.
Ma’lumot uchun telefonlar: (0-371) 239-26-76, 239-26-86.
