Oqdaryoda gugurt qutilariga qadoqlangan giyohvandlik vositasini sotayotgan shaxs ushlandi
13 iyul kuni Samarqand viloyati IIB terrorizim va ekstremizmga qarshi kurashish boshqarmasi hamda Oqdaryo tumani IIB xodimlari tomonidan tezkor tadbir o‘tkazildi.
Tadbir davomida Oqdaryo tumani Paxtaobod mahallasi Mevazor qishlog‘ida yashovchi, 1993 yilda tug‘ilgan M.Sh. 500 ming so‘m evaziga 4 dona gugurt qutilariga qadoqlangan 8,15 gramm miqdoridagi “marixuana” giyohvandlik vositasini sotgan vaqtida qo‘lga olingan.
Mazkur holat yuzasidan Oqdaryo tumani IIB huzuridagi tergov bo‘limi tomonidan Jinoyat kodeksining 273-moddasi 2-qismi bilan jinoyat ishi qo‘zg‘atildi.
Samarqand viloyati IIB axborot xizmati xabariga ko‘ra, ayni paytda tergov harakatlari olib borilmoqda.
