O‘zbekistonda karantin qachon tugatiladi?
Ko‘pchilik mutaxassislarning fikricha, yoz kelishi bilan koronavirus epidemiyasi kamayadi. Ayrim olimlarning fikricha, yangi infeksiya bilan kelgusida taxminan dunyo aholisining 70 foizi kasallanadi.
Natijada infeksiyaga qarshi immunitet hosil bo‘ladi va pandemiya sezilarli sekinlashadi yoki umuman tugaydi.
Faqatgina qat’iy choralar kasallik avjini bartaraf etishga yordam beradi, shuning uchun o‘z-o‘zini izolyasiyalash rejimiga rioya qilish zarur.
Bu haqda bugun AOKA shtabida Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov ishtirokida o‘tkazilgan brifingda aytildi.
