O‘zbekistonning tashqi savdo aylanmasi sezilarli o‘sdi
O‘zbekistonning tashqi savdo aylanmasi 2019 yilning birinchi choragida 9.4 milliard AQSh dollarini tashkil etdi. Bu haqda uzreport.news xabar berayapti.
Bu o‘tgan 2018 yilning yanvar-mart oyi ko‘rsatkichlaridan 2 milliard AQSh dollari yoki 27.2% ga ko‘pdir.
Shundan 2019 yilning birinchi choragida eksport ko‘rsatkichi 4.1 milliard AQSh dollarini tashkil etdi. O‘sish, o‘tgan yildagi ko‘rsatkichlarga nisbatan 20.6 % ga ko‘p bo‘ldi.
Import ko‘rsatkichi esa 5.2 milliard AQSh dollarini tashkil etdi. O‘sish, o‘tgan yildagi ko‘rsatkichlarga qaraganda 32.9 % ga ko‘p bo‘ldi.
Tashqi savdo saldosi – 1.1 milliard AQSh dollarini tashkil etdi.
