«O‘zbekneftgaz» Ai-92 markali benzin narxini arzonlashtirmoqda
«O‘zbekneftgaz» AJga qarashli «UNG Petro» yoqilg‘i quyish shoxobchalari tarmog‘ida sotilayotgan Ai-92 markali benzin narxini arzonlashtirmoqda. Neft mahsulotlarining narxi bozor munosabatlaridan kelib chiqib shakllantiriladi.
15 sentyabr kunidan boshlab AYoQShlardagi import qilingan Ai-92 markali benzinning narxi 6000 so‘mdan 5500 so‘mga, mahalliy ishlab chiqaruvchilarning Ai-92 markali benzinining narxi esa 5800 so‘mdan 5500 so‘mga arzonlashtirilmoqda.
"Bundan keyin ham korxona tomonidan neft mahsulotlarining iste’molchilarga sotish narxlarini bozor munosabatlariga to‘liq tayanib shakllantirib boriladi, ularning tannarxi tushganda narxlar, albatta arzonlashadi", deydi «UNG Petro» MChJ direktori Mirzohid Musayev.
AYoQShlarda sotilayotgan mahsulot turlari, ularning narxlari hamda joylashgan manzillari haqida to‘liq va aniq ma’lumotlarni @UNG_Petro_Bot telegram kanali orqali olishingiz mumkin.
