Past Darg‘omda yil yakuniga qadar aholiga yana 4550 dona suyultirilgan gaz ballonlari tarqatiladi

Ayni paytda tumanda 63 ming 219 ta xonadon mavjud bo‘lib, shulardan 55 ming 45 tasi tabiiy va suyultirilgan gaz ballonlari bilan ta’minlangan.

Tabiiy gaz yetib borgan xonadonlar soni 22 ming 182 tani tashkil etadi. Joriy yil kuz-qish mavsumiga tayyorgarlik ko‘rish maqsadida 1,3 kilometr gaz quvuri mukammal ta’mirlandi, 24 kilometr yer osti gaz quvurlari tekshirilib, 16 kilometri bo‘yaldi. Po‘latchi mahallasining Nizomiy ko‘chasida yashovchi aholi xonadonlarining gaz ta’minotini yaxshilash maqsadida 1,4 kilometrlik yangi gaz tarmog‘i tortildi.

Tumanda suyultirilgan gaz ballonlari bilan ta’minlangan xonadonlar soni 32 ming 863 tani tashkil etib, joriy yilda tabiiy gaz tarmog‘i yetib bormagan aholi xonadonlariga 9270 dona yangi maishiy gaz ballonlari tarqatish rejalashtirilgan. Bugungi kunga qadar aholiga 4720 dona suyultirilgan gaz ballonlari tarqatilgan. Yil yakuniga qadar yana 4550 dona maishiy gaz ballonlari yetkazib berish bo‘yicha ishlar amalga oshirilmoqda.

Past Darg‘om tumani hokimligi axborot xizmati.