Past Darg‘omlik ilg‘or fermer xo‘jaliklari, MTP raislariga “Neksiya” va “Spark” sovg‘a qilindi

Kecha, mamlakatimizning barcha hududlarida bo‘lgani kabi Past Darg‘om tumanida ham Qishloq xo‘jaligi xodimlari kuni ko‘tarinkilik bilan nishonlandi.

Tadbirda tuman qishloq xo‘jaligi tarmoqlarini rivojlantirishda boshqalarga ibrat bo‘layotgan fermerlar, pillakor va paxtakorlar, bog‘bonlar, chorvador, tomorqachi va g‘allakorlar, sohaga tegishli korxona, tashkilotlar va keng jamoatchilik vakillari ishtirok etdi.

Tadbirda tuman hokimi Shunqor Xudoyberdiyev so‘zga chiqib, dehqon va fermerlarni ayyom bilan samimiy qutladi.

So‘ng ko‘p yillik samaralari mehnati va mamlakat taraqqiyoti, xalqimiz farovonligiga munosib hissa qo‘shayotgan bir guruh fermerlar, dehqonlar tuman hokiligining faxriy yorliq va esdalik sovg‘alari bilan taqdirlandi.

Jumladan, davlatga paxta sotish rejasini ortig‘i bilan bajargan “Sayfiddin Sherbek Sheryurak”, “Temur Ahmad paxta dalasi”, “Bobur” fermer xo‘jaliklari, “Qo‘chqor To‘rayev” muqobil mashina traktor parki raislariga tuman hokimligi tomonidan yengil avtomobillar sovg‘a qilindi.

Poytaxtdan kelgan hamda viloyatimiz san’atkorlari tomonidan ijro etilgan kuy-qo‘shiqlar tadbir ishtirokchilariga ko‘tarinki kayfiyat bag‘ishladi.

Past Darg‘om tumani hokimligi axborot xizmati.