Payariqda ilg‘or muqobil MTP raisiga "Tracker",10 tonna paxta tergan terimchiga "Damas" berildi

Kecha, 13 dekabr - Qishloq xo‘jaligi xodimlari kuni munosabati bilan Payariq tumanida tadbir bo‘lib o‘tdi.

Unda paxta terimi mavsumida jonkuyarligi, mehnatkashligi bilan tuman ravnaqiga o‘z hissasini qo‘shgan muqobil mashina-traktor parki raislari va terimchilar tuman hokimligi va Payariq klaster" MChJ tomonidan taqdirlandi.

Jumladan, "Oqqo‘rg‘on" muqobil MTP raisi Farhod Botirqulov televizor, "Darvishiq" muqobil MTP raisi Sunnat Sariyev muzlatgich, "Paxtakor" muqobil MTP raisi Xo‘roz Qarshiboyev esa "Tracker" avtomobili bilan taqdirlandi.

Shuningdek, terim ishlarida ilg‘orlikni qo‘ldan bermagan Maniobod mahallasida yashovchi Latofat Ergashevaga televizor va 1 million so‘m, Do‘stlarobod mahallasidan Umida Toshpo‘latovaga muzlatgich va 1 million so‘m va mavsum davomida 10 tonna paxta tergan Polvonariq mahallasida yashovchi Gulbahor Chinniqulovaga "Damas" avtomobili berildi.

Payariq tumani hokimligi axborot xizmati.