Polsha prezidentida koronavirus aniqlandi – u yaqinda Zelenskiy bilan uchrashgan
Polsha prezidenti Andjey Dudada koronavirus infeksiyasi aniqlandi. Bu haqda 24 oktyabr kuni mamlakat rahbarining matbuot kotibi Blajey Spixalskiy ma’lum qildi.
“Prezident Andjey Duda kecha koronavirus infeksiyasiga tahlil topshirdi. Natija “ijobiy” (ya’ni, koronavirus qayd etilgan)”, deb yozdi Spixalskiy o‘zining Tvitter sahifasida.
Uning so‘zlariga ko‘ra, prezident o‘zini yaxshi his qilmoqda.
Duda 11-13 oktyabr kunlari rasmiy tashrif bilan Ukrainaga borgandi. Xususan, tashrif chog‘ida u Ukraina prezidenti Vladimir Zelenskiy bilan uchrashgan.
