Poytaxt ko‘chalarida behuda yonib turgan chiroqlar va reklama illyuminatsiyalarini o‘chirish boshlandi

Energiya resurslaridan samarali foydalanish, shuningdek, kuz-qish mavsumida yoqilg‘i-energetika resurslarini tejash va iste’molchilarga bir maromda yetkazib berish maqsadida «Toshkent shahar elektr tarmoqlari korxonasi» AJ tomonidan Toshkent shahrida elektr energiyasi sarfini 10 foizga tejash bo‘yicha chora-tadbirlar rejasi ishlab chiqildi.

Bunga ko‘ra, jamiyat tasarrufidagi barcha tuman elektr ta’minoti korxonalari tomonidan iste’molchilarni elektr energiyasidan samarali va oqilona foydalanishlarini ta’minlash maqsadida joylarda targ‘ibot–tashviqot tadbirlari va kechki reyd tadbirlari o‘tkazilmoqda.

Jumladan, poytaxt ko‘chalarida behuda yonib turgan chiroqlar va reklama illyuminatsiyalarini o‘chirish boshlandi.