Prezident sovrini uchun “Tashabbus-2019” ko‘rik-tanlovi 22 apreldan boshlanadi
Vazirlar Mahkamasining 2019 yil 14 apreldagi farmoyishiga ko‘ra, O‘zbekiston Respublikasi Prezidenti sovrini uchun “Tashabbus-2019” ko‘rik-tanlovining
tuman (shahar) bosqichi – 22 apreldan 15 mayga qadar;
Qoraqalpog‘iston Respublikasi, viloyatlar va Toshkent shahar bosqichi – 20 maydan 12 iyunga qadar o‘tkazilishi belgilandi.
Tanlovning respublika bosqichi ochilishi va ko‘rgazmalari 20-21 iyun kunlari, g‘oliblarni taqdirlash marosimi esa 22 iyunda o‘tkaziladi.
Samarqand viloyati hokimining bu haqdagi farmoyishida “Tashabbus-2019” ko‘rik-tanlovining viloyat bosqichini joriy yilning 8 iyun kuni Samarqand shahridagi Alisher Navoiy nomli markaziy istirohat bog‘ida o‘tkazish belgilandi. Tanlovning ochilish va g‘oliblarni taqdirlash marosimlari Yoshlar markazi majlislar zalida tashkil etiladi.
