Samarqand davlat universiteti Italiyaning Insubria universiteti bilan hamkorlik qiladi
Bugun Samarqandga tashrif buyurgan Italiyaning Lombardiya viloyati gubernatori Attilio Fontana boshchiligidagi delegatsiya Samarqand davlat universitetida ham bo‘ldi.
Universitet rektori, professor Rustam Xolmurodov mehmonlarga o‘quv yurti tarixi va bugungi faoliyati haqida so‘zlab berdi. Keyingi yillardan xorijdagi nomdor oliy o‘quv dargohlari, jumladan, Italiyadagi nufuzli universitetlar bilan ilmiy hamkorlik aloqalari yo‘lga qo‘yilgani qayd etildi.
Uchrashuv yakunida Samarqand davlat universiteti va Italiyadagi Insubria universiteti o‘rtasida o‘zaro hamkorlik bo‘yicha memorandum imzolandi.
Dilmurod DO‘STMURODOV.
