Samarqand shahrida 2018 yilda 272 ta yong‘in sodir bo‘ldi
Sodir bo‘lgan yong‘inlar oqibatida 7 nafar fuqaro kuyish tan jarohati olib, shifoxonaga yotqizilgan. 4 nafar fuqaro esa halok bo‘lgan.
Jumladan, joriy yilning 1 yanvar kuni Muqumiy ko‘chasida yashovchi I.M ning uyida gaz isitish pechi qarovsiz qoldirilgan. Oqibatda yong‘in kelib chiqib, uyning 45 metr kvadrat tom hamda fanerli shift qismi zararlangan.
Xuddi shunday holat 14 yanvar kuni Forobiy ko‘chasida joylashgan xonadonlarning birida ham sodir bo‘ldi. Gaz plitasini yoqib, qarovsiz qoldirilganligi oqibatida xonaga is gazi tarqalgan. Xonadonda yashovchi fuqaro Nargiza Nurova va 8 yoshli qizi Munisa Erkinova is gazidan zaharlanib, shifoxonaga yotqizilgan.
D.NAJMIYEV, Samarqand shahar YXB inspektori, serjant.
