Samarqand shahrida giyohvandlik o‘simligi yetishtirayotgan shaxs aniqlandi

Samarqand viloyati IIB axborot xizmatining xabar berishicha, 2020 yil 14 avgust kuni Samarqand shahri bo‘yicha IIO FMB 5-son IIB xodimlari tomonidan olib borilgan tezkor-profilaktik chora-tadbirlar natijasida Samarqand shahar Beruniy ko‘chasida yashovchi, muqaddam O‘zbekiston Respublikasi Jinoyat kodeksining 164-moddasi (bosqinchilik) 4-qismi bilan sudlangan, 1974 yilda tug‘ilgan S.V., shu  yilning mart oyidan buyon 1 million so‘m evaziga shaharning Movarounnahr ko‘chasida joylashgan uylarning birini fuqaro M.A.dan ijaraga olib, u yerda “kannabis” giyohvandlik o‘simligini yetishtirib kelayotganligi aniqlandi.

Mazkur holat yuzasidan Samarqand shahri bo‘yicha IIO FMB huzuridagi Tergov bo‘limi tomonidan dastlabki tergov harakatlari olib borilmoqda.