Samarqand xalqaro aeroporti: Bekor qilingan aviareyslar bo‘yicha chipta pullari qaytariladi
Hurmatli yo‘lovchilar!
O‘zbekiston Respublikasi hukumati tomonidan mamlakatimizda “COVID-19” koronavirusi qayd etilgani e’lon qilinishi munosabati bilan joriy yilning 16 martidan boshlab xalqaro yo‘nalishlar va MDH mamlakatlari bo‘yicha parvozlar bekor qilinganini ma’lum qilamiz.
Bekor qilingan aviareyslar bo‘yicha chiptalar almashtirilishi, chipta uchun pullarning qaytarilishi sotib olish joyida yoki aviakompaniyalar vakilliklarida amalga oshiriladi.
“Samarqand xalqaro aeroporti” mas’uliyati cheklangan jamiyatida parvozlarni bekor qilish bilan bog‘liq masalalarni hal etish uchun operativ shtab tashkil qilindi. Shtab telefon raqami: +(998) 66-232-36- 41; email:sop.skd@uzbairports.uz.
“Samarqand xalqaro aeroporti” MChJ axborot xizmati.
