Samarqandda “chov churrasi” O‘zbekistonda ilk bor laporoskopik usulda operatsiya qilindi

Avval xabar qilganimizdek, Samarqandda Osiyo endoskopik va laporoskopik xirurglar jamiyati (ELSA)ning “Ipak yo‘lida minimal invaziv xirurgiya” mavzuidagi kongressi o‘tkazilmoqda.
Bugun Samarqand ixtisoslashtirilgan bolalar xirurgik klinikasida ushbu xalqaro tadbir doirasida seminarda Singapur, Malayziya, Filippin, Yaponiya va respublikamiz tibbiyot sohasi olimlari ishtirok etdi.

Seminardan so‘ng “chov churrasi” laporoskopik usulda operatsiya qilindi.
- Kongressda institutimizdan 12 nafar professer o‘qituvchi ishtirok etyapti, - deydi Andijon davlat tibbiyot instituti dotsenti Umidjon Usmonov. - Kongress doirasida o‘tkazilgan ushbu jarrohlik amaliyoti nafaqat o‘zbekistonlik shifokorlarga bemorlarni zamonaviy texnologiyalardan foydalangan holda operatsiya qilish, balki xorijlik shifokorlar bilan tajriba almashish imkonini berdi.

Mamlakatimizda ilk bor o‘tkazilgan mazkur operatsiya filippinlik va o‘zbekistonlik shifokorlar tomonidan muvaffaqiyatli amalga oshirildi.

Fazliddin Ro‘ziboyev,
Ezoza Meyliyeva.