Shukrullo Umarov, Imom Buxoriy xalqaro ilmiy-tadqiqot markazi direktori o‘rinbosari:
– Bizga davlatimiz tomonidan ko‘rsatilayotgan juda katta e’tibor, yaratib berilgan sharoitga munosib ishlashimiz, shukr qilishimiz kerak. Onamning gaplari hech qulog‘im ostidan ketmaydi.
U kishi: “Bolam, bugungi davru davronga shukr aytib yashash kerak. Diniy ilmlarni o‘rganganing va uni boshqalarga o‘rgatayotganing uchun davlat senga uy-joy berdi, e’zozlayapti. Shunday zamonlar bo‘lgan ediki, Qur’onni o‘qigani uchun otamni yigirma chaqirimga otda sudrab mahkamaga olib borishgandi”, der edilar.
