"Skorpion" filmi ijodkorlari Samarqandda
Samarqand shahridagi “Yoshlar markazi”da "Skorpion" filmi taqdimoti bo‘lib o‘tdi.
Film rejissyori Muxlisa Azizova, bosh rol ijrochilari Yulduz Rajabova, Akbarxo‘ja Rasulov hamda "Yosh kinoijodkorlar" kengashi raisi Oybek Abdushukurovlar film yaratilishi, uning g‘oyasi, suratga olish jarayoni haqida ma’lumot berdi.
- Film O‘zbekiston Yoshlar ittifoqi, Kinomatografiyani rivojlantirish markazi va qator hamkor tashkilotlar ko‘magida suratga olindi, - deydi Oybek Abdushukurov. – Film namoyishidan keyingi eng ko‘p berilgan savol uning nomi borasida bo‘ldi. Ushbu filmni xorij mamlakatlari kinoprokatiga kirish maqsadida tarjimada qiynalmasligimiz uchun ham skorpion nomi ustida to‘xtaldik. Muxlislar namoyishning 15 daqiqasidan savolga javob topishadi, ya’ni skorpion katta xalkaro jinoiy guruh nomi. Shuningdek, filmni suratga olishda xorijlik malakali mutaxassislarni, turkiyalik aktyor Murat Yildirim hamda rossiyalik aktyor Vyasechlav Razbegayevlarni jalb etdik. Ssenariy muallifi Rashid Malikov maslahatlaridan unumli foydalandik.
