So‘nggi kecha-kunduzda AQShning 5 shtatida koronavirus bilan kasallanganlar soni shiddat bilan oshdi
AQShning Florida, Texas, Oklaxoma, Janubiy Karolina va Kaliforniya shtatlarida koronavirus infeksiyasi bilan kasallanish holatlari so‘nggi kecha-kunduzda yuqori ko‘rsatkichlarda qayd etildi. Bu haqda shtatlarning mahalliy sog‘liqni saqlash departamentlari xabar berdi.
Florida sog‘liqni saqlash departamenti so‘nggi kecha-kunduzda 5508 nafar yangi kasallanish holati qayd etilgani haqida xabar berdi. Florida shtati uchun mazkur ko‘rsatkich rekord natija hisoblanadi. Texasda 5551 nafar, Oklaxomada 482 nafar, Janubiy Karolinada 1291 nafar va Kaliforniyada eng yuqori ko‘rsatkich – 7149 nafar yangi kasallanish holatlari qayd etildi.
