Сўнгги кеча-кундузда АҚШнинг 5 штатида коронавирус билан касалланганлар сони шиддат билан ошди

АҚШнинг Флорида, Техас, Оклахома, Жанубий Каролина ва Калифорния штатларида коронавирус инфекцияси билан касалланиш ҳолатлари сўнгги кеча-кундузда юқори кўрсаткичларда қайд этилди. Бу ҳақда штатларнинг маҳаллий соғлиқни сақлаш департаментлари хабар берди.

Флорида соғлиқни сақлаш департаменти сўнгги кеча-кундузда 5508 нафар янги касалланиш ҳолати қайд этилгани ҳақида хабар берди. Флорида штати учун мазкур кўрсаткич рекорд натижа ҳисобланади. Техасда 5551 нафар, Оклахомада 482 нафар, Жанубий Каролинада 1291 нафар ва Калифорнияда энг юқори кўрсаткич – 7149 нафар янги касалланиш ҳолатлари қайд этилди.