Traktorda yuzaga kelgan yong‘in oqibatida haydovchi kuyish jarohati oldi
Joriy yilning 15 sentyabr kuni soat 14:00 da Surxondaryo viloyati Qiziriq tumani Yangiobod mahallasi hududidan o‘tuvchi “Angor-Qiziriq” yo‘nalishida harakatlanib ketayotgan traktorda yong‘in kelib chiqqan.
Hodisa joyiga 1 ta yong‘in o‘chirish bo‘linmasi yuborilgan. Bo‘linma voqea joyiga yetib borgan vaqtida traktor to‘liq yonayotganligi aniqlangan. Ko‘rilgan tezkor harakatlar natijasida yong‘in bartaraf etilgan.
O‘zbekiston Respublikasi FVV YoXBB OAV bilan hamkorlik qilish bo‘linmasining xabar berishicha, traktor haydovchisi, 1990 y.t. fuqaro U.E. kuyish tan jarohati olib, shifoxonaga yuborilgan.
Yong‘in sababi va moddiy zarar miqdori aniqlanmoqda.
