Urgutda 12 ming dollarga yer sotmoqchi bo‘lgan firibgar ushlandi
Tumandagi “N.” oilaviy korxonasi rahbari S.N. “J.” agrofirmasi hududidagi limon yetishtirishga ixtisoslashgan 1,48 gektar yer maydonini fuqaro M.ga 12 ming AQSh dollariga sotmoqchi bo‘lgan.
Oldi-berdi vaqtida Bosh prokuratura huzuridagi Departament hamda DXXning Urgut tumani bo‘limlari tomonidan tezkor tadbir o‘tkazilib, S.N. ashyoviy dalillar bilan ushlangan.
Iqtisodiy jinoyatlarga qarshi kurashish departamenti xabar berishicha, holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
