XDP: Ishonchli vakil Kattaqo‘rg‘on shahrida saylovchilar bilan uchrashdi
O‘zXDPdan Prezidentlikka nomzod Ulug‘bek Inoyatovning Samarqand viloyatidagi ishonchli vakili Badriddin Nasriyev Kattaqo‘rg‘on shahrida saylovchilar uchrashuv o‘tkazdi.
Prezidentlikka nomzodning ishonchli vakili saylovchilarga nomzodning saylovoldi dasturi haqida ma’lumot va tushuntirishlar berdi.
Jumladan, dasturdagi fuqarolarning bandligini ta’minlash, ishsizlikdan himoya qilish, kambag‘allikni qisqartirish choralarini ko‘rish, oilalar, bolalar, ayollar, qariyalar, nogironligi bo‘lgan shaxslarni har tomonlama qo‘llab-quvvatlash va ularga g‘amxo‘rlik qilish tashabbusining nechog‘li ahamiyatli ekanligini alohida ta’kidladi. Shuningdek, mazkur tashabbusning amalga oshirilishi orqali ko‘plab odamlarning og‘iri yengil bo‘lishini qayd etdi.
Uchrashuvda ishonchli vakil faollarni qiziqtirgan savollarga atroflicha javoblar berdi.
