Xitoy 2023 yilda “Tayvan mustaqilligi”ga qarshi hal qiluvchi kurash olib borishini e’lon qildi
Xitoy bu yil "Tayvan mustaqilligi"ga qarshi qat’iy kurash olib boradi va mamlakatni birlashtirishga yordam beradi. Bu haqda yakshanba kuni 14-chaqiriq Butunxitoy xalq vakillari kengashining birinchi sessiyasi ochilishida tarqatilgan hukumat hisobotida aytiladi.
“Biz yangi davrda Tayvan muammosini hal qilish bo‘yicha partiyaning umumiy strategiyasini so‘zsiz amalga oshiramiz, “Yagona Xitoy” tamoyilini qat’iy qo‘llab-quvvatlaymiz va 1992 yilgi konsensusga amal qilamiz”, deyiladi hisobotda.
Hujjatda ta’kidlanishicha, Xitoy Tayvanning mustaqilligi deb atalmish harakatlarga qarshi kurashish, shuningdek, “Tayvan bo‘g‘ozining ikki tomoni o‘rtasidagi munosabatlarni tinch yo‘l bilan rivojlantirishga ko‘maklashish” niyatida.
Tayvan oroli 1949 yildan beri o‘z ma’muriyati tomonidan boshqariladi. Rasmiy Pekin uni Xitoy provinsiyalaridan biri deb biladi.
