Xitoy bozoridagi portlashda 25 kishi qurbon bo‘lgani aytilmoqda
Xitoyning Xubey provinsiyasidagi Shiyan shahridagi oziq-ovqat bozorida portlash yuz bergan. Oqibatda 25 kishi halok bo‘lgani haqida hudud ma’muriyati ma’lum qildi.
Yakshanba kuni Xitoy markaziy televideniyesi 12 kishi halok bo‘lgani va 138 kishi jarohat olgani haqida xabar bergan edi. Politsiya va qutqaruvchilar hodisa joyida ishni davom ettirmoqda.
Portlash yakshanba kuni, mahalliy vaqt bilan soat 06:30 da (Toshkent vaqti bilan 03:30) Chjanvan hududida sodir bo‘lgan. Zarba to‘lqini bozor binosini butunlay vayron qilgan va yaqin atrofdagi uy derazalari singan. Tergov materiallariga ko‘ra, hodisaga gaz chiqishi sabab bo‘lgan.
