Xitoyda yo‘lovchi kemasi ag‘darildi, qurbonlar bor
Kecha, 18 sentyabr kuni Xitoyning janubi-g‘arbiy qismidagi Guychjou provinsiyasida yo‘lovchi kemasi ag‘darilib, 8 kishi halok bo‘ldi, yana yetti kishi bedarak yo‘qoldi, deya xabar beradi Lyupanshuy hukumati.
Voqea shanba kuni mahalliy vaqt bilan 16:50 da (Toshkent vaqti bilan 13:50) sodir bo‘lgan. 40 kishini tashishga mo‘ljallangan kema Luji maxsus tumanidagi Szanke daryosida ag‘darildi.
Bugun soat 08:10 (Toshkent vaqti bilan 05:10) holatiga ko‘ra, 31 kishi qutqarildi.
Qidiruv-qutqaruv ishlari davom etmoqda, mahalliy huquq-tartibot idoralari hodisa sabablarini o‘rganmoqda.
