Yangi kitob: "Tasbehim"

Payariq tumanidagi 79-umumta’lim maktabida maktabning sobiq o‘quvchisi Ollomurod Isoqulovning «Tasbehim» nomli kitobining taqdimoti bo‘lib o‘tdi.

Taqdimot tadbirida ijodkorlar, maktabning bir guruh pedagog xodimlari, kitob ixlosmandlari ishtirok etdi.

- Ollomurod aka hammamiz uchun qadrdon, asosiysi, g‘ayratli ijodkor, - deyildi tadbirda. - Ushbu kitob muallifning ilk she’riy kitobi. O.Isoqulov Payariqning Chim qishlog‘ida tug‘ilgan.  Toshkent davlat milliy universitetininig iqtisodiyot fakultetini bitirgan. Qashqadaryo va Jizzax viloyatlarida samarali ishlab, bu viloyatlar xalqi mehrini qozongan. Davlat idoralarida mas’uliyatli lavozimlarda faoliyat olib borgan.

Ollomurod akaning matbuot nashrlarida allomalar Ali Qushchi va Jaloliddin Rumiy to‘g‘risidagi ko‘plab maqolalari e’lon qilingan. BMT qoshidagi YuNESKOga qarashli "Antik dunyo" ilmiy akademiyasining doktori, professor.

Taqdimotda O.Isoqulovning "Tasbehim" kitobiga kiritilgan she’rlardan namunalar o‘qildi.