Yanvar-aprel oylarida O‘zbekistonda 29,5 trln. so‘mlik qurilish ishlari bajarildi

2021 yilning yanvar-aprel oylarida O‘zbekistonda jami 29,5 trln. so‘mlik qurilish ishlari bajarilgan bo‘lib, 2020 yilning mos davriga nisbatan o‘sish sur’ati 100,8 foizni tashkil etdi, deya xabar berdi Davlat statistika qo‘mitasi.

Davlat mulkchiligidagi tashkilotlar tomonidan jami 1 trln. 268,2 mlrd. so‘mlik qurilish ishlari bajarildi. Ularning respublikadagi ulushi 4,3 foizga teng.

Nodavlat mulkchilikdagi tashkilotlar tomonidan 28 trln. 271,8 mlrd. so‘mlik qurilish ishlari bajarildi. Ularning respublikadagi ulushi 95,7 foizga teng.

Jami qurilish ishlari hajmi tarkibida yirik qurilish tashkilotlari tomonidan 6 trln. 938,6 mlrd. so‘mlik qurilish ishlari bajarilgan.

Kichik korxona va mikrofirmalar tomonidan bajarilgan qurilish ishlari hajmi 17 trln. 736,7 mlrd. so‘mni tashkil qilgan.