"Yoqtirgan qizi"ni qo‘rqitib, undan pul talab qilgan yigit ushlandi
Joriy yilning 6 may kuni soat 18:30 da viloyat IIB va DXX xodimlari tomonidan 22 yoshli, Navbahor tumanida yashovchi S.O‘.ning arizasi asosida o‘tkazilgan tezkor tadbir davomida 27 yoshli F.X. 2018 yildan hozirgi kunga qadar S.O‘. bilan yaqin munosabatda bo‘lib, S.O‘. fosh etilishini xohlamagan ma’lumotlarni ijtimoiy tarmoqlarga tarqatib yuborishini ma’lum qilgan va undan 3 000 000 so‘m pul talab qilib, pullarni olgan vaqtida ushlangan. Tadbir davomida F.X.dan 3 000 000 so‘m ashyoviy dalil sifatida rasmiylashtirilib olingan.
Holat yuzasidan Navbahor tumani IIB huzuridagi tergov bo‘limi tomonidan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilgan.
Bu haqda IIV huzuridagi Tergov departamenti axborot xizmati xabar berdi.
