Yosh dzyudochilar bellashdi
Sportning yakka kurash turlariga ixtisoslashtirilgan bolalar va o‘smirlar sport maktabida dzyudo bo‘yicha viloyat chempionati o‘tkazildi.
2002-2003 yillarda tug‘ilgan o‘smirlar va qizlar o‘rtasida o‘tkazilgan musobaqada Samarqand shahri, Tayloq, Oqdaryo, Nurobod, Past Darg‘om va Ishtixon tumanlaridan 250 nafar dzyudochi 9 ta vazn toifasida bellashdi.
Musobaqa natijasiga ko‘ra, umumjamoa hisobida Samarqand shahri birinchi o‘rinni qo‘lga kiritdi. Tayloq tumani ikkinchi, Past Darg‘om tumani uchinchi o‘ringa ega bo‘ldi.
