Yoshlar o‘rtasida kelib chiqqan janjal oqibatida ikki yigit pichoqlandi
Kecha, 5 iyun kuni soat 18:00 va 19:00 oralig‘ida Shayxontohur tumanidagi Kichik xalqa avtomobil yo‘lida (eski Archa ko‘cha) yoshlar o‘rtasida yuzaga kelgan janjal oqibatida ikki nafar yigit pichoq bilan yaralanib, shifoxonaga yetkazildi.
Toshkent IIBBning xabar berishicha, mojaroning boshqa qatnashchilarining shaxslari va ishtirokchilarning umumiy soni aniqlanmoqda. Ularni qo‘lga olish bo‘yicha choralar ko‘rilmoqda.
Hodisa Toshkent shahar IIBB boshlig‘ining shaxsiy nazoratiga olindi.
