Gaz quyish shoxobchasida avtomobil portladi
Bugun, 16 dekabr kuni soat taxminan 12:00 da Andijon viloyati Andijon tumani, Jahonobod MFY hududida joylashgan “Shodlik ishonch servis” MChJga tegishli gaz quyish shoxobchasida “Nexia-2” rusumli avtomashinaning gaz balonida portlash sodir bo‘lgan.
Hodisa oqibatida haydovchi X.K. tan jarohati olgan, deya xabar beradi O‘zbekiston Respublikasi IIV huzuridagi Tergov departamenti.
Hozirda hodisa joyida tergov-tezkor guruhi ishlamoqda, portlash sabablari aniqlanmoqda.
Tekshiruv natijalari bo‘yicha qo‘shimcha ma’lumot beriladi.
