Android qurilmalar uchun Zarnews.uz mobil ilovasi. Yuklab olish x

Robototexnik yoshlar Janubiy Koreyaga boradi

Respublika Oliy va o‘rta maxsus ta’lim vazirligi qoshidagi Innovatsiya malaka oshirish institutida “Yosh robototexniklar” tanlovi tashkil etildi. Unda Samarqand shahar “Barkamol avlod” bolalar markazi o‘quvchilari ham o‘z iqtidorlarini namoyish etdi.

- Robototexnika yo‘nalishida eng qobiliyatli o‘quvchilarimizdan Shukurbek Ro‘zimurodov hamda Fozilbek Anvarovning ijodiy ishlari mutaxassislarning e’tirofiga sazovor bo‘ldi, - deydi Samarqand shahar “Barkamol avlod” bolalar markazi direktori Nargiza Qobilova. – Tanlovda ishtirok etgan barcha viloyat vakillari orasidan Toshkent viloyatining Quyi Chirchiq tumani hamda markazimiz o‘quvchilari g‘olib bo‘ldi. Ular 2-3 avgust kunlari Janubiy Koreyada bo‘lib o‘tadigan “International young robot competitions” (IYRS) – 2019 robototexnika xalqaro tanlovida o‘z ixtirolari bilan ishtirok etish imkoniyatini qo‘lga kiritdilar.

Sulaymon MARDIYeV.