Исроил – Эрон зиддияти: Ўт очиш тўхтатилмоқда
24 июнга ўтар кечаси АҚШ президенти Доналд Трамп Исроил ва Эрон ўт очишни тўхтатишга келишиб олганини эълон қилди.
Трамп 21 июндан 22 июнга ўтар кечаси АҚШ Эрон ядровий иншоотларига зарба берганидан кўп ўтмай урушни тугатиш бўйича музокараларни бошлади, деб ёзади Axios манбаларга таяниб. АҚШ президенти ўзининг махсус вакили Стив Виткоффга эронликларни ҳарбий ҳаракатларни тўхтатиш бўйича музокаралар олиб бориш истаги ҳақида хабардор қилишни топширди.
Axios маълумотларига кўра, Трамп музокараларни АҚШ Эрон ядро иншоотларига зарба берганидан сўнг бошлаган. Бироқ Теҳрон ўз жавоб зарбасидан кейингина дипломатияга тайёрлигини айтган. Қатар музокараларда воситачи сифатида иштирок этди. Шундай қилиб, Трамп ўт очишни тўхтатиш келишуви кучга кирганини эълон қилди. Лекин бир соатдан кейин Исроил Эрон яна ракета учиргани ҳақида хабар берди.
Сулҳ эълон қилинганидан кейин тахминан олти соат ичида босқичма-босқич кучга киради ва бу орада иккала давлат бошлаган операцияларни якунлайди. Трампнинг сўзларига кўра, Исроил ва Эрон унга "деярли бир вақтнинг ўзида" мурожаат қилган ва улар тинчликни хоҳлашларини айтган.
Эрон телевидениеси ҳам оташкесим кучга кирганини эълон қилди.
Исроил бош вазири Бинямин Нетаняхунинг идораси Исроил АҚШ президентининг икки томонлама ўт очишни тўхтатиш таклифига розилигини билдирган. Исроил Эрондаги операциясининг “барча мақсадларига” эришган ва “икки экзистенциал таҳдид – ядровий ва баллистик ракеталарни” бартараф этган. Бундан ташқари, Теҳрон осмони тўлиқ назоратга олинди, ҳарбий элитаси жиддий зарба кўрди ва ҳукуматнинг ўнлаб муҳим объектлари вайрон қилинди”, дейилади баёнотда.
