Каттақўрғон шаҳар драма театри ижодий жамоаси гастрол сафари билан Тожикистонга борди

Ижодий сафар давомида Душанбе шаҳридаги драма театрида Абдулла Авлонийнинг «Адвокатлик осонми» спектакли намойиш этилди.

Каттақўрғон шаҳар драма театри ижодий жамоаси ижросидаги ушбу  спектакль томошабинлар томонидан олқишлар билан  кутиб олинди.

Томоша сўнгида Тожикистон маданият вакиллари ва  Каттақўрғон шаҳар драма театри раҳбарлари сўзга чиқиб, давлатларимиз раҳбарлари томонидан олиб борилаётган оқилона ва дўстона сиёсат икки мамлакат ўртасидаги ўзаро алоқаларни ривожлантиришга хизмат қилаётганини алоҳида таъкидлашди.