Шойгу Ўзбекистоннинг фашизмни мағлуб этишга қўшган ҳиссаси ҳақидаги ҳужжатларни тақдим этди
Россия мудофаа вазири Сергей Шойгу Ўзбекистонга келди ва Бухоро шаҳрида Ўзбекистон мудофаа вазири Баҳодир Қурбонов билан учрашди.
Учрашув давомида Шойгу Иккинчи жаҳон уруши йилларида фашизмни мағлуб этишдаги Ўзбекистон халқининг ҳиссаси тўғрисида архив ҳужжатлари тўпламини топширди.
"Бизнинг учрашувимиз 1941-1945 йилларда бўлган урушда эришилган Ғалаба куни арафасида бўлиб ўтмоқда. Ўзбек халқи ушбу буюк ғалабага катта ҳисса қўшган. Бу архив ҳужжатлар тўпламида яққол акс этган", деди Россия мудофаа вазири.
Учрашувда ҳарбий ва ҳарбий-техникавий ҳамкорликнинг долзарб масалалари муҳокама қилинди.
