1 apreldan nogironlik nafaqasi va pensiyasining eng kam miqdori oshiriladi
Bugun AOKAda Moliya vazirligi huzuridagi Byudjetdan tashqari pensiya jamg‘armasi boshqarma boshlig‘i Farrux Pardayev ishtirokida o‘tkazilgan brifingda Prezident farmoni mazmun-mohiyati yuzasidan ma’lumot berildi:
2022 yil 1 apreldan:
● mehnatga layoqatsiz fuqarolarga beriladigan nogironlik nafaqasi hamda ish staji to‘liq bo‘lmagan chog‘dagi nogironlik pensiyasining eng kam miqdori qo‘shimcha to‘lovni hisobga olgan holda — 440 000 so‘mdan 622 000 so‘mgacha oshiriladi;
● o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga har oyda 500 ming so‘m miqdorida nafaqa to‘lovi (parvarishlash nafaqasi) joriy etiladi.
