6 noyabr kuni xitoylik olimlar vaksina sinovini o‘tkazish uchun O‘zbekistonga keladi
"Xitoy Fanlar akademiyasi mikrobiologiya instituti tomonidan ishlab chiqilgan vaksinani sinovdan o‘tkazishning uchinchi bosqichi O‘zbekistonda o‘tkazilishi rejalashtirilgan", dedi Innovatsion rivojlanish vaziri I.Abdurahmonov "Narodnoye Slovo" gazetasiga bergan intervyusida.
Innovatsion rivojlanish vazirligi pandemiya, xususan, vaksinalarga qarshi kurashish uchun zarur dori vositalarini ishlab chiqarish bo‘yicha xalqaro hamkorlikni yo‘lga qo‘ygan.
Xitoyning mikrobiologiya vaksinasi instituti klinik sinovlarining uchinchi bosqichini O‘zbekistonda taxminan 5000 nafar o‘zbekistonliklar orasida o‘tkazish bo‘yicha kelishuvga erishildi.
Vazirning ta’kidlashicha, birinchi navbatda, vaksinadan foydalanish bilan bog‘liq tashkiliy-huquqiy masalalar o‘rganiladi. Bu borada tegishli qarorlar qabul qilinadi. Xitoylik olimlar vaksinadan kelgusida foydalanish va unda aholining qaysi qatlamlari ishtirok etishini muhokama qiladi.
Innovatsion rivojlanish vazirligining xalqaro bo‘limi rahbari Feruza Xodjayeva ham vaksinani ishlab chiqish bo‘yicha ish olib borayotgan bir guruh xitoylik olimlar 6 noyabr kuni O‘zbekistonga kelishini aytdi.
Avvalroq, 21 oktyabr kuni Innovatsion rivojlanish vazirligi Xitoy fanlar akademiyasi mikrobiologiya instituti va Xitoyning "AnhuiZhifei" kompaniyasi vakillari bilan O‘zbekistonda koronavirus vaksinasining klinik sinovlarini tashkil etish bo‘yicha muzokaralar o‘tkazdi.
