Android qurilmalar uchun Zarnews.uz mobil ilovasi. Yuklab olish x

AQSh qator davlatlar amaldorlarga yangi sanksiyalar joriy qilmoqchi

AQSh «Demokratiya sammiti»ga tayyorgarlik chog‘ida xorijlik amaldorlarga qarshi yangi sanksiyalar joriy etishni rejalashtirmoqda. Bu haqda Reuters va The Wall Street Oq uy ma’muriyatiga tayanib xabar berdi.

Manbada aniq ismlar aytilmagan, ammo olingan ma’lumotlarga ko‘ra, cheklovlar hukumat amaldorlarining keng doirasi, jumladan «Magnitskiy akti»ga binoan inson huquqlarini buzganlik va korrupsiyaga aloqador bo‘lganlarga ta’sir qiladi.

Qayd etilishicha, bo‘lajak sammit doirasida AQSh prezidenti ma’muriyati rasmiylari boshqa mamlakatlar ham yangi cheklovlarga qo‘shilishiga ishontirishga umid qilmoqda.

Tadbir 9-10 dekabr kunlari bo‘lib, unda 110 ta davlat ishtirok etadi. Rossiya va Xitoy mehmonlar ro‘yxatiga kiritilmagan.