Bayden o‘z reytingining rekord darajada pasayishi haqidagi savolga javob berdi

AQSh prezidenti Jo Bayden reytingi tushib ketishiga e’tibor bermasligini va jamoatchilik so‘rovi doirasida ma’qullanish uchun saylanmaganini aytdi.

"So‘rovlar tushishi, ko‘tarilishi mumkin. Avvaliga ular balandroq edi, keyin o‘rtada bo‘ldi, keyin o‘sdi, endi esa yana pastga tushdi. Bu boshqa barcha prezidentlarda ham bo‘lgan. Lekin men so‘rovlar bo‘yicha qanday ishlashimni aniqlash uchun saylanganim yo‘q. Men AQSh prezidenti sifatida va’dalarimni bajara olishimga ishonch hosil qilganim uchun saylandim", dedi Bayden G20 sammiti yakunlari bo‘yicha matbuot anjumanida.

Uning ta’kidlashicha, Qo‘shma Shtatlar G20 sammitida yaxshi qo‘llab-quvvatlandi. "AQSh kun tartibining eng muhim qismi bo‘ldi", dedi AQSh prezidenti.

Avvalroq Baydenning AQSh yetakchisi sifatidagi dastlabki to‘qqiz oydagi shuhrati avvalgi prezidentlarnikiga nisbatan tezroq pasayib borayotgani aytilgan edi.