Bilasizmi, ortiqcha to‘langan soliq summalari egasiga qaytariladi

Soliq to‘lovchining boshqa soliqlardan qarzdorligi mavjud bo‘lmaganda ortiqcha to‘langan soliq summalari qaytariladi, deb xabar bermoqda huquqiy axborot kanali.

Ortiqcha to‘langan soliq summalarini qaytarish uchun soliq to‘lovchi soliq organlariga ortiqcha to‘langan soliq summasini qaytarish haqidagi ariza bilan murojaat qilishi lozim.

Arizaga to‘lov hujjatining (chek, kvitansiya) nusxasini ilova qilish mumkin.

Ortiqcha to‘langan soliqni qaytarish haqida ariza elektron soliq xizmatlari portali orqali berilishi ham mumkin.

Arizani ko‘rib chiqish va ortiqcha to‘langan soliq summasini qaytarish 15 ish kunidan oshmasligi kerak.

Ortiqcha to‘langan soliq summasi soliq to‘lovchining bankdagi hisobvarag‘iga pul o‘tkazish orqali qaytariladi.

Ortiqcha to‘langan soliq summasini qaytarish rad etilganda yoki qaytarish haqida qaror qabul qilinmaganda soliq to‘lovchi sudga murojaat qilish huquqiga ega.