Blogerlar tanloviga marhamat!

Samarqand viloyat matbuot va axborot boshqarmasi, O‘zbekiston Jurnalistlari ijodiy uyushmasi Samarqand viloyat bo‘limi hamda viloyat «Zarafshon» va «Samarkandskiy vestnik» gazetalari birlashgan tahririyati “Samarqandning turistik salohiyati blogerlar nigohida” mavzusidagi maqolalar tanlovini e’lon qiladi.

Tanlovning maqsadi - mamlakatimizda faoliyat yuritayotgan blogerlar o‘rtasida ijtimoiy dolzarb mavzularni qamraydigan blogerlik faoliyatini shakllantirish, professional blog yuritish ko‘nikmalarini rivojlantirish, shuningdek, Samarqandning turistik salohiyatini namoyish etish, bu ko‘hna shahar tarixi, madaniyati, o‘ziga xos an’analarini targ‘ib etish.

Tanlovga o‘zbek va rus tillarida (shuningdek, boshqa tillarda yozilgan va o‘zbek tiliga tarjima qilingan) yozilgan blogpostlar qabul kilinadi. Unda O‘zbekistondagi barcha blogerlar ishtirok etishi mumkin.

Blogerlar faqat matn ko‘rinishida blogpost yozishi mumkin. Matn asosidagi blogpostlar hajmi cheklanmagan.

Tanlovga hech qaysi internet saytlarida e’lon qilinmagan, 2019 yilning 20 yanvaridan 20 martigacha chop etiladigan blogpostlargina takdim etilishi lozim. Bitta ishtirokchi tomonidan takdim etiladigan blogpost 3 (uch) tadan kam bo‘lmasligi kerak.

Har bir blogpost quyidagi mezonlar asosida baholanadi:

- mavzuning dolzarbligi;

- originallik;

- yozish malakasi;

- shaxsiy va tahliliy fikr (g‘oya)ning mavjudligi;

- innovatsion va noodatiy uslub va yondashuvga egaligi;

- muammolarga yechim taqdim etishi (agar bo‘lsa).

G‘olib blogerlar hakamlar hay’ati tomonidan aniqlanadi.

Tanlovning yakuniy natijalariga ko‘ra, eng yaxshi uchta blogpost uchun zamonaviy LED televizori beriladi.

Tanlov g‘oliblari 2019 yil 20 mart kuni e’lon qilinadi.

G‘oliblarni takdirlash 2019 yil 25 mart kuni Samarqand shahrida o‘tkaziladi.

Bundan tashqari, tanlovda qatnashgan blogpostlar orasidan o‘ziga xos innovatsion yangilik kiritgan yoki noodatiy yondashuvga ega blogpost mualliflari ham taqdirlanadi.

Blogpostlar www.zarnews.uz saytida e’lon qilib boriladi.

Tanlovga blogpostingizni info@zarnews.uz elektron pochtasiga yoki tahririyatning Telegram boti @zarafshonbot’ga jo‘natishingiz mumkin.

Tanlov Nizomi bilan batafsil ushbu sahifada tanishishingiz mumkin.

Tashkiliy qo‘mita.