Chegara postida 250 dona psixotrop dori vositalari ushlab qolindi
Samarqand viloyati bojxona boshqarmasi xodimlari tomonidan chegara postida qo‘shni davlatdan yurtimizga kirib kelayotgan fuqaro E.N. boshqaruvidagi “Opel Astra” avtomashinasi tegishli tartibda bojxona nazoratidan o‘tkazildi.
Natijada, fuqaroning avtomashinasidan mamlakatimiz hududiga olib kirilishi taqiqlangan 5 quti – 250 dona “Siklodol trigeksifenidil” psixotrop dori vositalari mavjudligi aniqlandi.
Mazkur holat yuzasidan fuqaro E.N.ga nisbatan jinoiy ish qo‘zg‘atilib, tergov harakatlari olib borilmoqda.
Viloyat bojxona boshqarmasi axborot xizmati.
