Eron yetakchisi bilan bir qator yo‘nalishlardagi qo‘shma loyihalar muhokama qilinmoqda
Prezident Shavkat Mirziyoyev Eron Prezidenti Ibrohim Raisiy bilan ikki mamlakat o‘rtasidagi ko‘p qirrali hamkorlikni yanada kengaytirish masalalarini muhokama qilmoqda.
Diqqat markazida - o‘zaro savdo hajmini oshirish, kooperatsiyani kuchaytirish, sanoat, innovatsiyalar, qishloq xo‘jaligi, energetika, transport va logistika, boshqa ustuvor yo‘nalishlarda qo‘shma loyihalarni amalga oshirish.
Mintaqada samarali transport yo‘laklarini rivojlantirish imkoniyatlari ko‘rib chiqiladi.
O‘zbekiston va Eron yetakchilari dolzarb mintaqaviy masalalar, shu jumladan Afg‘onistonda yuzaga kelayotgan vaziyat, ShHT doirasidagi ko‘p tomonlama hamkorlik masalalarini ham muhokama qiladilar.
