Finlyandiya 10 ta mamlakat aholisi uchun o‘z chegaralarini yopmoqda

Finlyandiya koronavirus infeksiyasi bilan bog‘liq vaziyat sababli 24 avgustdan e’tiboran o‘n nafar mamlakat fuqarolari uchun o‘z chegaralarini yopmoqda. 

“Finlyandiya davlati Islandiya, Gretsiya, Malta, Germaniya, Norvegiya va Daniya o‘rtasida harakatlarni amalga oshirishdagi ichki chegara nazorati qayta tiklanadi”, - deyilgan hukumat axborotida. 

Bundan tashqari, cheklovlar Irlandiya, Kipr, San-Marino va Yaponiyaga ham taalluqli. 

Finlyandiya hukumatining fikriga ko‘ra, chegaralar ochilishidagi asosiy omil, COVID-19 bilan kasallanish darajasi hisoblanadi – u so‘nggi 14 kunda, 100 ming aholi ichidan sakkiz kishidan oshmasligi lozim. 

Shu bilan birga mamlakat hukumati, 15 avgust holatiga Italiya, Litva, Slovakiya va Estoniyada kasallanish ko‘rsatkichi sakkiztadan oshganini, biroq o‘ntaga yetmaganini ta’kidladi. “Shu tariqa, Finlyandiya va yuqorida ko‘rsatilgan mamlakatlar o‘rtasida ichki chegara nazorati tiklanmaydi”, - deyilgan xabarda. 

Taqdim etilgan so‘nggi ma’lumotga ko‘ra, Finlyandiyada umumiy hisobda 7776 nafar koronavirus holati qayd etilgan, 7050 nafar bemor sog‘aygan, 334 nafar bemor vafot etgan.