Florida gubernatori Tramp foydasiga AQShdagi saylovlardan rasman voz kechdi

Florida gubernatori Ron Desantis AQSh prezidentlik poygasidan chiqishini e’lon qildi. U AQShning sobiq prezidenti Donald Tramp foydasiga o‘z nomzodini rasman qaytarib oldi. Bu haqda siyosatchi ijtimoiy tarmoqlarda ma’lum qildi.

Uning aytishcha, saylovoldi kampaniyasida g‘alaba qozonish imkoniyati yo‘q. Shuningdek, u ijobiy natijaga erishish uchun hamma narsani qilishga tayyorligini bildirdi va Tramp nomzodini qo‘llab-quvvatlashini aytdi.

“Men respublikachi nomzodni qo‘llab-quvvatlashga va’da bergandim va bu va’dada turibman. Men uni qo‘llab-quvvatlayman, chunki biz o‘tmishdagi respublikachilar gvardiyasiga qaytolmaymiz”, dedi Desantis.

Avvalroq tadbirkor Vivek Ramasvami ham AQSh prezidentlik poygasidan chiqib ketayotgani va bo‘lajak saylovlarda Donald Trampni qo‘llashini ma’lum qilgandi.