Futbol: U-23 Osiyo kubogi. Bugun O‘zbekiston olimpiya jamoasi Indoneziyaga qarshi maydonga tushadi
Sanoqli daqiqalardan keyin Qatarda bo‘lib o‘tayotgan 23 yoshlilar o‘rtasidagi Osiyo kubogining yarim final bosqichlariga start beriladi.
Xususan, O‘zbekiston olimpiya jamoasi finalga chiqish uchun Indoneziyaga qarshi maydonga tushadi. Ushbu o‘yin g‘olibi to‘g‘ridan-to‘g‘ri Parij Olimpiadasi yo‘llanmasini ham qo‘lga kiritadi.
O‘yin Toshkent vaqti bilan soat 19:00 da start oladi. Mazkur bahsni "Sport" telekanalida jonli efirda tomosha qilishingiz mumkin.
Soat 22:30 da esa Yaponiya olimpiya jamoasi iroqliklarga qarshi maydonga tushadi.
